Getur varla verið íslenskara

Eitt af því fyrsta sem ég læt verða af að gera á haustin er að setja sængurnar aftur á rúmin því sumar mánuðir hér eru of heitir til sængur nota. Mikið lifandis ósköp er gott að kúra undir sæng enda sváfum öll yfir okkur fyrstu tvær næturnar með sængurnar aftur á.

Í dag var ekta íslenskt veður. Það hefur kólnað töluvert hjá okkur og seinnipartinn tók að hvessa og rigna. Ég dró pönnuköku pönnuna mína fram og gerði nokkrar pönnukökur handa syninum sem ég vissa að myndi gera mikla lukku. Í kvöld bíða sængurnar okkar og fátt er betra heldur en að kúra undir hlýrri sæng og hlusta á regnið berja á gluggana. Já heimurinn  fer á mis að þekkja ekki íslenskar pönnukökur og dún sængur.

Athugasemdir

[Sólveig Hannesdóttir, 26.9.2008 kl. 00:45]

EN skemmtilegt, hér í Kópavogi er orðið svo innanhúss á sumrin, að eiginlega upplifi mig í útlöndum, allt eins og sumarbústaður, og byrjaði daginn í dag, að breyta húsinu í haust, viðraði sængur vetrarins, svo nú leggst ég eins og kornabarn undir  sængurnar, nema ég hef flísteppi til fóta.  Ég er fótköld og hefi beðið tengdadóttur mína, að sjá til þess að ég verði látin sofa í sokkum á elliheimilinu, ef ég næ aldri. Hún hefur lofað því, Góðar kveðjur til Virginíu, ég ætla að gá að því á kortinu.

[Sólveig Hannesdóttir, 26.9.2008 kl. 00:46]

á að vera heitt innanhúss.

[Erna Hákonardóttir Pomrenke, 26.9.2008 kl. 03:26]

he, he, hvað er svona ung kona að hugleiða elliheimili? Annars er þetta snjallt hjá þér að láta fólk vita fyrirfram hvað þú vill seinna. Við ættum öll að gera lista

[Ólöf Ingibjörg Davíðsdóttir, 26.9.2008 kl. 03:44]

Mér fannst æðislegt þegar ég fór að geta sofið við gervisængina úr IKEA. Þá fyrst fór ég að sofa almennilega.

[Erna Hákonardóttir Pomrenke, 26.9.2008 kl. 10:49]

Segi það sama Ólöf. Ég sef aldrei eins vel með þetta teppadrasl. Því miður þarf ég að vakna svo rosalega snemma (kl.6) til að fara með soninn í skólann. Vá hvað rignir mikið úti. Nú væri gott að geta pakkað sér inn í sæng og lúllað svolítið.  Yndisleg rigning, rigning, rigning, en allt í hófi takk fyrir.

[Guðrún Þóra Hjaltadóttir, 29.9.2008 kl. 13:51]

Hvað er betra en góð sæng með léreftsveri sem er storkið vel. UMMM