Go Sarah go!

 Það var eins og við manninn mælt. Gefið henni lausan tauminn og hún mun blómstra. Sarah Palin kom mörgum á óvart í kappræðunum í kvöld. Hún stóð sig frábærlega vel og einfaldlega stal senunni. Joe Biden kom ágætlega út en fór þó fljótlega í varnarstöðu. Sarah var hlíleg og brosmild og mjög alþýðuleg og aðgengileg. Hún byrjaði á því að segja Joe Biden hversu ánægjulegt það væri að kynnast honum og spurði hann hvort hún mætti kalla hann Joe.  Hún sýndi fótfestu, svaraði spurningum skilmerkilega og sýndi að hún býr yfir reynslu og skilningi.  Ég held ég megi segja að allir fjölmiðlarnir hérna úti hrósuðu henni fyrir mjög góða frammistöðu. Ég held að allar tölur og skoðanakannanir hljóti að snúast eftir kvöldið.

Athugasemdir

[Páll Geir Bjarnason, 3.10.2008 kl. 05:10]

Biden stóð sig betur en Palin. Hann sigraði þessar kappræður, engin spurning.

[Guðrún Jóna Gunnarsdóttir, 3.10.2008 kl. 08:17]

Ekki fylgdist ég með þessum kappræðum en óneitanlega fer þetta að verða spennandi.

[Stebbi (IP-tala skráð) 3.10.2008 kl. 10:12]

Æi ekki ertu að segja mér að það séu til Íslendingar sem styðja þennan geðsjúkling. Hún er verri en Bush þessi kona.

[Stebbi (IP-tala skráð) 3.10.2008 kl. 10:14]

Mér finnst líka frekar fyndið að þú segir hana búa yfir reynslu og skilningi.

[Martha Elena Laxdal (IP-tala skráð) 3.10.2008 kl. 10:53]

Ég hef gaman af Söru

[Haraldur Haraldsson, 3.10.2008 kl. 12:03]

Sammála þer Erna hún kom sá og sigraði/Halli gamli

[Erna Hákonardóttir Pomrenke, 3.10.2008 kl. 14:08]

Sammála ykkur Mel og Halli. Eins og sumir myndu segja "she rocks"

[Guðrún Þóra Hjaltadóttir, 8.10.2008 kl. 20:55]

Mér líst vel á Söru.

[Erna Hákonardóttir Pomrenke, 8.10.2008 kl. 22:02]

Já Sarah er frábær og hún nær vel til fólks. Mér finnst fjölmiðlarnir hafa verið mjög ósanngjarnir gagnvart henni. Ég vildi bara að McCain væri meira spennandi, en ég held hann sé mun traustari maður heldur en Obama. Ég er mjög hrædd um að ef Obama kemst að í Hvíta Húsinu  að það eigi eftir að verða miklar skattahækkanir hér ytra. Obama kveðst ætla að lækka skattana en talk is cheep. McCain hefur reynsluna af að vera stríðsfangi og ég treysti honum mikið betur fyrir ungu mönnunum hérna. Held hann myndi gera allt til að koma í veg fyrir að senda fleiri unga menn og konur í stríð.

[Sólveig Hannesdóttir, 15.10.2008 kl. 22:09]

Gaman að heyra þetta, ekki finnst mér ólíklegt að hún steli senunni. Kv. vestur um haf.