Sokkar ganga lausir

Er einhver fótur fyrir því að sokkar gangi um án fóta, þe. án þess að það sé fótur til staðar til að halda þeim uppi?  Hvernig stendur á því að sokkar verða svona oft viðskila sérstaklega eftir þvott? Af hverju týnast nærbuxur ekki eða aðrir smáir hlutir? Mér þykir þetta mjög svo undarlegt. Það kemur fyrir að  þessir "týndu" sokkar hafi falið sig innan um rykhnoðrana á bakvið rúmin en svo liggur þvottavélin undir stór grun um að éta sokka. Þegar sokkur týnist reyni ég að geyma hin sokkinn á móti í kassa þar til bróðir kemur í leitirnar.  Fyrr í vikunni var ég að taka til í þessum sokka kassa mínum og tók hvorki meira né minna en 20 sokka og sendi í endurvinslu og enn á ég ca 15 staka sokka eftir sem ég fæ mig ekki til að henda straks.

Athugasemdir

[Ólöf Ingibjörg Davíðsdóttir, 3.8.2008 kl. 09:35]

Hvernig eru stakir sokkar endurunnir? Er sokkahvarfið kannski útbreitt samsæri sokkaendurvinnslunnar til efnisöflunar svo að sokkurinn sem hvarf er þar þegar kominn?

[Erna Hákonardóttir Pomrenke, 3.8.2008 kl. 16:28]

Ætli þetta sé ekki bara samsæri sokka framleiðenda og þvottavéla framleiðenda til að halda sokka framleiðslunni gangandi  

Þetta virkar svipað og heima. Ég er svo heppin að ég get farið með slitin rúmföt, sokka, slitnar gallabuxur og annan fatnað og hent þeim í stóran gám á safnstöð. Síðan er þetta tætt í sundur og sett í endur vinnslu. E Concept eco Green By Design er td. fyrirtæki sem framleiðir nýjarvörur gömlum.   Vefsíðan þeirra er hér fyrir neðan. Sokkarnir mínir gætu því alveg eins  ornir Domino Pizza innkaupa pokar.  

http://www.mstartrading.com/index.htm