gangandi hrísla

Þegar ég kom heim úr vinnunni í morgun sá ég göngustaf á bílskúrshurðinni.  Walking stick er meinlaust furðulegt skordýr sem líkist helst lítilli hríslu. Þeir eru oftast um 15sm langir en geta orðið mun lengri í hitabeltislöndunum. Ég fjarlægði hann af hurðinni og færði yfir í blómabeðið. Þið getið séð hversu vel hann fellur inn í umhverfið.

                               Smellið á myndina til að stækka hana.

Athugasemdir

[Guðrún Jóna Gunnarsdóttir, 8.8.2008 kl. 16:31]

Að mínu mati þarf óbilandi kjark til að færa skordýr til, úff!

Hef annars aldrei heyrt um þetta kvikindi getið. Hvaða hlutverki skyldi það gegna í lífríkinu?

[Erna Hákonardóttir Pomrenke, 8.8.2008 kl. 16:49]

Ég einfaldlega veit ekki hvert notagildi þeirra er í lífríkinu. Walking stick lifir á plöntum en skemmir ekki uppskeru. Til að geta stækkað fella þeir af sér húðina og græða nýja. Þeir geta meir að segja grætt nýjan fótlegg ef þeir missa einn.  Það gæti komið okkur mönnunum vel ef við byggjum yfir slíkum hæfileikum.