Plastpokar

Gleður mig að heyra þetta og ég býst við að fleiri verslanir fylgi á eftir.  Whole Foods sendi nýlega út tilkynningu þess efnis að frá og með 22 apríl (Earth Day) munu þeir ekki lengur bjóða upp á plastpoka heldur einungis sterka bréfpoka og síðan verður hægt að kaupa fjölnota nælon poka fyrir 99 cent stykkið. Þeir þjóna sama tilgangi og gömlu góðu netin sem við notuðum í gamla daga.  'Eg keypti mér svona nælonpoka hjá Wagmans og nota hann mikið. Eins er Giants með með sína nælon poka í kóngabláum lit verslunarinnar. Þeir voru með "Special Edition" bleika nælon poka fyrir nokkru skreyttir með mynd af slaufunni sem mynnir á brjóstkrabbamein og allur ágóði af sölunni rann til rannsókna á brjóstkrabbameini. Mér fannst það mjög sniðugt hjá þeim. Þetta er auglýsing fyrir þá og um leið er ég að styrkja gott málefni. Svo má segja að í hvert skipti sem ég fer út í búð og dinglast um með bleika pokann minn mynni ég aðrar konur á að fara í skoðun og láta fylgjast með sér. Margt gott sem leiðir af þessu. Ekki bara að við séum orðin meira meðvitandi um áhrif okkar á náttúruna með öllu þessu rusli sem við framleiðum.

Hér eru smá plastpoka staðreyndir. Það getur tekið yfir 1.000 ár fyrir plast poka að grotna niður á sorphaug og það tekur nálægt 1.7 milljón lítra af hráolíu til að framleiða 100 milljón plast poka og í Bandaríkjunum einum saman er um 100 milljarðar af plastpokum hent út árlega og aðeins 0.6% af þeim fer í endurvinnslu.

'Eg vona að næst þegar ég kem heim verði Nóatún komið með fallega rauða og græna nælonpoka sem ég get notað aftur og aftur eða hver veit nema einhvert styrktarfélagið verði farið að bjóða upp á poka.

Plastpokum sagt stríð á hendur