Hús fór á flot

Enn lamandi hiti hjá okkur. Þetta er fjórði dagurinn í röð að hitastigið er um og yfir 38° hér á austurströnd Bandaríkjanna. Vonandi kólnar einvað í kvöld, en við eigum vona á "kuldaskilum". Reyndar er svo heitt úti að maurarnir eru farnir að leita inn í loftkælinguna.  Miðað við það sem er að gerast í Wisconsin, þá held ég samt að ég haldi mig nú frekar við hitann. Lætin voru svo mikil að vatnið úr Delton vatninu tæmdist algerlega í Wisconsin ána, hús hreinlega rifnuðu í sundur og flutu á brott.  Delton vatnið er eitt af aðal ferðamannastöðunum í Wisconsin.  

Athugasemdir

[Anna Ólafsdóttir Björnsson, 10.6.2008 kl. 19:07]

Merkilegt hvað hitagráður eru misheitar (ég er ekki að grínast) - hef verið í allt upp í 36 stiga hita hér í Ungverjalandi að undanförnu og það er bara fínt, verður kalt ef hitinn fer niður í 20 gráður, sem aftur á móti er vei heitt heima á Íslandi. Þannig að ... þetta er afstætt. En ég tek undir að það er ekki öfundsvert að glíma við náttúruöflin, hvort sem eru flóð, jarðskjálftar eða annað.

[Erna Hákonardóttir Pomrenke, 10.6.2008 kl. 22:23]

Já rakinn í loftinu skiptir miklu máli. Því hærri sem rakinn er því óþægilegri er hitinn og það er búið að vera mjög rakt loft yfir okkur. Aftur á móti er mjög oft yfir 40° í Arizona og Las Vegas þar sem Kata er en loftslagið er mjög þurrt og því finnst ekki eins mikið fyrir hitanum.

'Eg fór út kl. 8 í morgun til að skola af bílunum okkar og strax um kl 9 var orðið óþægilega heitt.